🌸 🩺 🔑 மலர் மருத்துவ வரலாறு

மலர் மருத்துவம் எனும் மனதிற்கான மருத்துவம்

டாக்டர் எட்வர்ட் பாட்ச் என்பவர் லண்டனில் உள்ள காடுகளில் கிடைக்கும் மலரிலிருந்து தயாரித்ததுதான் இந்த மலர் மருந்துகள் ஆகும். இவை மிகவும் அபூர்வ சக்தி வாய்ந்தவை.

1886 இல் செப்டம்பர் 24 இங்கிலாந்தில் பிறந்தவர் சிறுவயதில் இருந்தே இயற்கையுடன் இரக்க குணம் கொண்டவராக இருந்தார்.

1919 ஆம் ஆண்டில் லண்டனில் ஆங்கில மருத்துவ படிப்பை முடித்தார், பின்பு அதே கல்லூரியில் அதிகாரியாக பணியாற்றினார்.

ஆனால் சில வருடங்களிலேயே உடல்நலக்குறைவு ஏற்பட்டு வேலையை விட்டு விலகினார்.

மூளையில் ரத்தப் பெருக்கு ஏற்பட்டு படுத்த படுக்கையானார் இவர் இன்னும் மூன்று மாதங்கள் மட்டுமே உயிரோடு இருப்பார் என்று டாக்டர்கள் சொல்லிவிட்டார்கள்.

மனம் உடைந்து போகாமல் தன்னை குணப்படுத்திக் கொள்ள முடியும் என்ற நம்பிக்கையில் ஆங்கில மருத்துவத்தை ஒதுக்கிவிட்டு தன்னுடைய மனதின் தன்மையினாலும் உணவுக் கட்டுப்பாட்டின் மூலம் உடல் தேறி மருத்துவர் சொன்னதை பொய்யாக்கினார்.

ஆனாலும் உடல்மெலிந்த நிலையிலேயே இருந்தது அதன்பின்பு நுண்ணியிர் ஆராய்ச்சியில் ஈடுபட்டுக் கொண்டிருந்தார். விஷக்கிருமிகள் தான் மலக்குடலில் இருந்து நோயை உண்டு பண்ணுகிறது என்றும், அதன் மூலம் பல்வேறு நோய்களுக்கு மருந்து கண்டுபிடித்தார்.

அதன் பின்பு அவரின் கவனம் ஹோமியோபதி மீது திரும்பியது எது நோயை உண்டாக்குகிறதோ அதுவே நோயை குணப்படுத்தும் என்ற தத்துவம் அவருக்கு மிகவும் பிடித்துப் போயிருந்தது. அதனால் அதில் உள்ள சிக்கல்களை நீக்க மிக எளிதான ஒரு முறையை கண்டு பிடிக்க முயன்றார்.

மருந்துகளை கண்டுபிடிக்க வேண்டும் என்று 1928 இல் தொழிலில் இருந்து விலகி அவர் தேடலில் இறங்கினார். எளிய மருந்துகள் இறைவன் படைப்பிலேயே அபரிமிதமாகக் கிடைக்கும் என்று தேட தொடங்கினார்.

மலைப்பாங்கான மனிதர்கள் நடமாட்டம் இல்லாத கிராமப் பகுதிகளில் அலைந்து தனியாக பூக்களையும் மொட்டுகளையும் சேகரித்தார்.

இந்த நோய்க்கு இந்த மலர் குணப்படுத்தும் என்ற ஆழ்ந்த அறிவு அவருக்கு இயர்கையாக இருப்பதால் எளிதாக கண்டுபிடித்து விட்டார். அவற்றை நீரில் மூழ்கச் செய்து சூரிய புடம் செய்து மருந்து தயாரித்தார்.

உடல் நோய்க்கு ஆதாரமே மனநோய் தான் என்பதை அவர் கண்டுபிடித்தார் மனநிலையில் ஏற்படும் கோளாறுகள் தான் உடல் உபாதைகளாக வெளிப்படுத்துகின்றன.

மனதில் உருவாகும் கோபம், பொறாமை, பகைமை உணர்வு, பொறுமையின்மை, அதிர்ச்சி இவை எல்லாம் மனதின் நிலையை கெடுப்பதோடு அல்லாமல் உடலின் நிலையை கெடுக்கின்றன எனகண்டுபிடித்தார்.

1930 இல் இருந்து 1936 வரை 37 மருந்துகள் மலரிலிருந்து நீரிலிருந்தும் மொத்தம் 38 மருந்துகள் கண்டுபிடித்தார்.

மருந்துகள் கலவைகள் மூலம் புதிதாக ஒரு ஆபத்துக்கால மருந்தினை செய்து அதில் வெற்றியும் பெற்றார் அது தான் ரெஷ்கியு ரெமெடி ( rescue remedy) இது மிகவும் அதிசயக்க பயன்களை தந்துள்ளது. அனைவரும் ஆபத்துக்காலத்தில் இதனை பயன்படுத்தி பலரும் நலம் பெற்றுக் கொண்டு இருக்கின்றனர்.

1936 இல் நவம்பர் 27 அன்று மொவுண்ட் வெர்னான் என்ற இடத்தில் தன்னுடைய ஐம்பதாவது வயதில் இயற்கையில் கரைந்தார்..

அதே இடத்தில் டாக்டர் பாட்ச் அவர்களின் ஆய்வுக்கூடம் இன்றும் மருந்துகளை தயாரித்து உலகம் முழுவதும் அனுப்பிவருகிறது.

தமிழகத்தில் மலர் மருந்தை அறிமுகம் செய்த பெருமை சென்னை டாக்டர்.கிருஷ்ணமூர்த்தி அய்யாவையே சேரும். அவரை போன்று ஆய்வு செய்வதில் வல்லவர் யாருமில்லை என்று சொல்லலாம்.

மலர் மருத்துவம் நமக்கு கிடைத்த வர பிரசாதம் என்று தான் சொல்ல வேண்டும்

மிகவும் எளிமையான மருத்துவம், பக்க விளைவுகள் இல்லாதது, விலையும் மலிவானது

தன்னை உனர்தலும், ஏற்றுகொள்ளலும், திருத்திகொள்ளலும் ஆன்மீகம், தியானத்தின் முதல்படியாகும்.